На територијата на државата денеска до 13:00 часот, регистрирани се вкупно 13 пожари на отворен простор, од кои 2 се активни, 6 се под контрола, а 5 пожари се изгаснати, информираат од Центар за управување со кризи.
Активни се пожарите во Општина Маврово и Ростуше, каде над планината Бистра, кај Кириловец гори пасиште и Општина Струга, каде помеѓу селата Октиси и Белица гори сува трева и стрништа.
Под контрола се пожарите во Општина Зелениково, над с. Палиград – Преслап (мешана шума), во Општина Сарај кај с. Копаница (нискостеблеста шума и ниска вегетација), Општина Струга кај селата Пискупштина, Буринец и Локов (нискостеблеста шума), во Општина Чучер-Сандево, кај Брест, м.в. Рамно, Скопска Црна Гора (шума), во Општина Ѓорче Петров, кај с. Грачани, на косовската граница над с. Кучково (шума) и во Општина Струга, помеѓу селата Буринец и Локов (нискостеблеста шума).
Изгаснати се пожарите во Општина Шуто Оризари, кај Визбегово, позади хотелот „New Star“ (депонија), Општина Маврово и Ростуше м.в. Голем Брдаш (шума), Општина Прилеп, позади „Факултетот“ во Прилеп (ѓубре), во Општина Струга кај селото Ложани (ѓубре) и Општина Велес, кај базенот за вода над м.в. Поток (дива депонија).
