По повод одбележувањето на Меѓународниот ден на првата помош, во ОО Црвен крст Виница денеска беше одржана обука за основите на првата помош, наменета за волонтерите од Виница.
Преку практични вежби, тие имаа можност да ги надградат своите знаења и вештини за правилно и навремено постапување во итни ситуации.
Како дополнителен практичен приказ, беше спроведена и симулација на реална ситуација, преку која беше демонстрирано дејствувањето на тим за прва помош – од проценка на состојбата до организирано и координирано укажување помош.
-Првата помош е повеќе од знаење – таа е подготвеност да реагираме тогаш кога некому му е најпотребно, порачаа од ОО на Црвениот крст од Виница.
