Реклама

Алта банка повторно функционира и со експозитура во Скопје, овозможена и исплата на плати и придонеси

Никола Јанкуловски избран за претседател на Лекарската комора

Академик Владо Камбовски со детали за новиот КЗ со кој конечно треда да се стави ред во правниот хаос

Мицкоски ја разобличи хистеријата на Филипче: Владата на СДСМ и ДУИ барала влегување во деловни односи со Алта

Собранието го донесе вториот ребаланс на буџетот за 2026 година

По цели три децении Македонија ќе добие нов Кривичен законик, текстот е веќе испратен во Брисел за нивно мислење

Министри, директори, па дури и попови – Бог простува, ама „Сејф Сити“ не: системот се шири во Битола, Струмица и Штип

Пекол на „Тракија“: 12 жртви и 48 повредени во двата масовни верижни судири во Бугарија

Економијата расте, инфлацијата се стабилизира: Стопанствениците очекуваат ваквата динамика да продлжи

Претседателот Трамп ја номинира Кристи Мекормик за нова амбасадорка на САД во Македонија

Алта банка дефинитивно ќе се продаде и спаси, дури 6 банки и финансиски институции заинтересирани да ја преземат

Кравите „господарат“ со Крива Паланка: Градоначалникот немоќен и без решение за „инвазијата“ крави по градските улици

Македонија

Чулев: Кртови во полицијата го поткопаа ловењето криминалци и нарко дилери

Началници, полицајци, инспектори кој се е на платниот список на криминалните групи,…

Сподели:
Фото: Алфа Вести

Началници, полицајци, инспектори кој се е на платниот список на криминалните групи, па ги провалува акциите пред специјалците или интервентните тимови да настапат на терен. Во изминатиот период како да нема поголема акција на МВР, а претходно да не е издадена. Па така и поседната врзана за случајот во Александар Палас не го даде посакуваниот резултат. На 24 часа пред акцијата, главните босови на криминалните групи Грчец и Дуќанџик ја напуштија државата и заминаа за Шпанија, Косово и Србија, некои од нив се уште не се вратени. Сомнежот за “шпионите и јатаците на криминалните групи” сместени во МВР, вчера го потврди и министерот Наќе Чулев.

– Дел од раководниот менаџмент на МВР ангажиран во криминалистичката полиција е директно во спрега со криминалните структури, постојат неофицијални информации дека постои тарифа за држење кривични пријави во фиока, за уништување на средствата за извршување на кривично дело или за оквалификување на потешки кривични дела во полесни кривични дела, изјави Наќе Чулев, министер за внатрешни работи во техничката Влада.

Ова го наметнува прашањето што работела внатрешната контрола изминатиов период, за да ги отстрани кртовите во редовите на МВР. Ако се анализира извештајот на Внатрешна контрола објавен на сајтот на МВР, во првите 9 месеци забележително е дека воопшто и да нема “откривачка функција” на кривични дела, кај своите припадници па така се поднесени само 5 кривични пријави до ОЈО. Со измените на законот за ЈО и законот за судови се формираа и посебни одделенија кои ќе ги гонат полициските службеници кои ќе сторат КД а до таму, Внатрешна контрола испратила само 2 известувања за повреда на работниот однос кои се отфрлени од страна на обвинителот. Чулев вчера предупреди дека како разузнавач има сознанија и за мотивите на пасивно однесување на полициските службеници, кои со непревземање на дејствија дозволуваат да се случат кривични дела како и нивната поврзаност со политичката корупција.

Реклама

– Причините за затајување на МВР ги лоцирам на неколку пункта – постои системска неволност, кај дел од структурите на власта за расчистување со криминалните структури во Република Македонија, од причина што дел од тие криминални структури беа директно надоврзани на поединци од власта и ги логистицираа во предизборниот меѓутоа и во постизборниот период, да не кажам дека беа некои вклучени и во коруптивни зделки со нив, рече Чулев.

Сознанијата што ги изнесе Чулев беа причина да реагира неговата заменичка во МВР, Славјанка Петровска, која преку соопштение порача дека сомнежите за евентуална поврзаност со криминални структури Чулев да ги пријавил во Јавното обвинителство, а не во интервјуа. Таа се пофали дека во време на владеењето на СДСМ, намален бил криминалитетот, разбојништвата, убиствата, жртвите од сообраќајни незгоди. Петровска не напиша ништо за акцијата во Грчец и Арачиново, по вооружената престрелка во Палас. Ниту зошто по големата акција во селата кои се поврзани со големите нарко дилери, од 32 ца приведени, само 1 беше изведен пред судија на претходна постапка и зошто до ден денес не се дозна што се случи со останатите приведени во Арачиново и Грчец.

Катерина Гетева