Со свечена литургија и во присуство на голем број верници, денеска во Штип пристигна преписот на чудотворната икона на Пресвета Богородица Троеручица од Света Гора. Иконата во градот ја донесоа монасите од манастирот Хиландар, а беше пречекана пред храмот „Свети Никола“. По пречекот, низ штипските улици се одржа литија, а иконата потоа беше пренесена во храмот „Свети Димитрија“ во Ново Село, каде што ќе остане за поклонение и молитва за сите верници.
Од Брегалничката епархија посочија дека копијата на иконата Троеручица трајно ќе остане во Штип, како духовен благослов за градот и неговите жители.
