Кон кого точно се однесува оваа порака на адвокатот на Бојан Јовановски? И не е прва, последниот период слушнавме повеќе вакви пораки што од судниците и обвинетите засегнати во „Рекет“ но и од други.
Речиси и никој да не верува дека во операцијата за изнуда на пари од бизнисменот Орце Камчев учествувале само тројца, се појавија сомнежи и за учество на многу други лица, меѓу кои има и за луѓе од власта.
Боки 13 на едно од рочиштата се пожали дека се чувствува како политички затвореник, а испрати и порака дека камерите од неговите дом ќе покажеле каде завршиле парите од Луј Витон торбата.
-Оправдано се чувствувам како политички затвореник зашто „Рекет“ се повеќе личи на арена на политичките чинители кои своите битки ги водат преку овој случај. Се чувствувам загрозено и понижено и укажувам дека добивам закани за моја физичка ликвидација. Вештачењето од безбедносната камера од мојот дом ќе покаже кој и каде замина со торбицата со парите. Ќе сведочам за сите инволвирани, организатори, нарачатели, кажа Јовановски пред судот.
На првото рочиште во новата година на 3 јануари, помалку мистериозна порака кон поранешниот премиер Зоран Заев испрати и екс шефицата на СЈО, Катица Јанева. Таа честитајќи им нова година на сите присутни во судницата упати куса порака која гласеше „Заев заврши“.
„Рекет“ остана на само двајца обвинети и еден осуден, но Бојан Јовановски како осомничен се појави и во нов случај, оној за Меѓународниот сојуз каде во улога на осомничена се појави и пратеничката и поранешната потпретседателка на СДСМ, Фросина Ременски. Во тој момент и таа испрати чудна порака кон власта, тврдејќи дека се работи за политички реваншизам во нејзиниот случај.
-Изборот на денешниот ден не е случаен, имајќи во предвид дека политичките амбиции на одредени лица се пресилни, за да земат во предвид било какви ангажмани мои во минатото… Јас не би коментирала повеќе, изјави Ременски на трети јануари годинава, изјави Ременски на трети јануари.
Дали сите овие пораки се индиректно упатени кон екс-премиерот Заев и неговата влада? И сите на овој или оној начин произлегуваат од луѓе кои се засегнати во „рекетот“.
Матеја Петровски