Четири лица го загубија животот кога се откачи кабина од жичарница на планината Фаито, во близина на италијанскиот град Неапол.
Кабината паднала на земја откако се скинал еден од влечните кабли, соопштија италијанските медиуми.
Во трагедијата загинале двајца туристи од Велика Британија и двајца од Израел, додека едно лице се здобило со тешки повреди.
Несреќата се случила додека кабината се приближувала до врвот на планината. Во истиот момент, друга кабина се движела во спротивна насока – кон долината – и во неа се наоѓале 16 лица. Благодарение на брзата реакција на спасувачките екипи, сите патници биле евакуирани поединечно, во технички сложена операција отежната од лошите временски услови.
Претседателот на регионот Кампања, Винченцо Де Лука, потврди дека сите загинати биле туристи. Градоначалникот на Кастеламаре ди Стабија, каде што е сместена трikilометарската жичарница, изјави дека веројатната причина за несреќата е скинат влечен кабел, нагласувајќи дека жичарницата била редовно одржувана и проверувана.
