До 13:00 часот, денеска, регистрирани се вкупно четири пожари на отворен простор, од кои активни се 3 пожари, под контрола е 1 пожар, а изгаснати пожари нема, соопшти Центарот за управување со кризи.
Активни пожари има во: Општина Штип во с. Лесковица со кој е зафатена деградирана шума, ниски растенија и ниска вегетација, во Општина Виница: с. Пеклани исто така ниска вегетација и во Општина Дебар кон Граничниот премин со Албанија каде гори ѓубре.
Под контрола е пожарот во општините Македонски Брод и Сопиште кај с. Белица, м.в. Кајорец (општина Македонски Брод), со проширување кон Јасен (општина Сопиште) каде е зафатена нискостеблеста и мешана шума.
