Цените на горивата во Европа повторно силно растат. Според податоците на „Евростат“, во август, горивата во Европската Унија биле, просечно, 23,8 отсто поскапи отколку во истиот месец минатата година, при што поскапување е регистрирано во 26 од 27 земји членки. Во Германија, просечната цена на бензинот достигна историски рекорд од 2,3 евра за литар. Во Австрија, ситуацијата е слична. Дизелот ја надмина границата од 2,3 евра за литар. Од Здружението на трговци со енергенси при Стопанската комора на Австрија предупредија дека веќе не може да се исклучи сценариото во кое дизелот би достигнал 3 евра за литар.
Особено силен ценовен удар има во Франција. Просечната цена на дизелот достигна рекордни 2,41 евро за литар, а на околу 700 бензински станици цената веќе надминала 2,5 евра. На некои пумпи, дизелот се приближил и до границата од 3 евра, достигнувајќи цена од 2,9 евра за литар.
