Авион што ја превезувал претседателката на Европската комисија, Урсула фон дер Лајен, бил попречен преку кочење на GPS сигналот, за кој бугарските власти се сомневаат дека е резултат на руско влијание. Таа престојува во Бугарија како дел од турнејата низ источните земји-членки на Европската унија, за разговори околу напредокот во изградба на одбранбена инфраструктура како одговор на руската агресија.
Според портпарол на Комисијата, властите во Бугарија утврдиле дека инцидентот со GPS сигналот, кој влијаел на навигацискиот систем на авионот, најверојатно бил инициран од Русија. Авионот безбедно слетал, иако интерференцијата го погодила аеродромот во бугарскиот град Пловдив. „Свесни сме дека заканите и заплашувањето се редовен дел од непријателските дејствија на Русија,“ се наведува во соопштението на портпаролот.
Фон дер Лајен во Бугарија ја дочекаа протести со руски знамиња и блокади. Таа ја посети фабриката за производство на оружје, заедно со бугарскиот премиер Жељасков и со лидерот на ГЕРБ, Бојко Борисов. Протестите ги предводела проруската партија „Преродба“ на Костадин Костадинов. Посетата доаѓа по објавата на германската компанија за производство на оружје „Рајнметал“ дека ќе изгради две нови фабрики во Бугарија и ќе ја прошири фабриката во Сопот.
