Бронзениот медал на Ален Рустемовски на Европското сениорско првенство во Софија е нов успех за македонскиот бокс. Од Боксерската федерација на Македонија велат дека освоениот медал е резултат на работата и посветеноста на боксерот и неговиот тренерски тим, но и на условите во кои се подготвувале репрезентативците.
Федерацијата во таа насока упатува благодарност до Министерството за спорт и министерот Борко Ристовски за поддршката во подготовките и настапите на македонските боксери на меѓународните натпревари.
Според Федерацијата, институционалната поддршка овозможува подобри услови за подготовки и настапи на големите натпреварувања, а постигнатиот резултат во Софија е поттик за продолжување на работата.
Од Боксерската федерација најавуваат дека фокусот останува на развојот на спортот и поддршката на младите таленти, со цел македонските боксери и во иднина да бидат конкурентни на европската и светската сцена.
Објавата може да ја погледнете на следниот линк:
