Инженери, економисти, сопственици на меѓународни компании бесплатно едуцираат домашни компании во делот на користење на таканаречената блокчејн технологија. Скопје викендов по трет пат е домаќин на крипто конференција на која се разговара за дигиталните валути и технологиите на иднината.
Блокчејн технологијата не е само криптовалути, туку станува збор за целосно заштитен систем во кој секој запис останува траен, без можност за каква било манипулација. Тоа е како еден стар нотес кој го имаме дома и сè што е впишано во него стои трајно запишано, но денес сето тоа е префрлено во дигиталниот свет.
Системот веќе се користи во Европа, го користат најголемите светски банки, но и најголемите компании за трајна заштита на податоците. Дел и од најразвиените држави веќе системот го користат како решение за складирање на податоци кои се од витално значење и истите стануваат и достапни, но и максимално заштитени.
