Зимата речиси помина, ама битолчани никако да ги добијат ветените инвертери, како еколошки грејни тела со кои ќе се заменат печките со фосилни горива. Локалната власт оди по жица и си игра со стрпливоста на граѓаните, на кои им беа ветени две илјади и петстоини клима – уреди, како една од клучните еколошки мерки за справувањето со аерозагадувањето на градот. На денешната седница на Советот, иако беше најавено донесување на Правилник со критериуми за доделување на инвертери, оваа точка волшебно исчезна од дневниот ред.
Постои еден проблем во однос на апликацијата која треба да ја изработи едно од министерствата, со која ќе се утврди начинот како ќе се аплицира. Од она што се изготвува како правилник, можам да кажам дека ќе нема поделба на климите кому ќе се доделуваат, дали на посиромаси или побогати. Сите ќе имаат еднакво право да земат клима- уред, а единствениот услов за Битола ќе биде местоот на живеење кад ешто е најзагадено- рече Валентин Груевски, претседавач на Советот.
Опозициските советници беа изненадени од овој потег на власта и сметаат дека мерката претставува гол популизам во пресрет на изборите.
За прв пат во Битола, оваа мерка беше најавена уште во осми месец 2019 година. Пет месеци подоцна, на оваа тема што власта ја промовираше како проект и една од клчучните мерки во стратегијата за справување со аерозгадувањето, гледаме дека власта нема направено ниту еден исчекор. Ова е еден обид на власта за поткуп на гласачите за предвремените парламентарни избори- рече Иванчо Тошевски, координатор на советничаката група на ВМРО ДПМНЕ.
Уште една зима битолчани ќе поминат без никакви мерки, уште една зима само со популистички активности кои не знаеме ниту кога ќе бидат реализирани, бидејќи еве како што ни најавија дека нема да се донесе правилникот, ќе се донесел наредната недела. Меѓутоа, до реализиација, можат да поминат дури два до три месеци- рече габриела Илиевска од советничката група на граѓанската иницијатива “Поинаку“.
Бидејќи се врши координација по вертикала за изготвување и унифицирање на правилниците, не е тешко да се претпостави дека инвертерите ќе се делат пред избори, а најсиромасите како социјално загрозени граѓани, нема да бидат опфатени. Дотогаш, црвените дијаграми на мерните станици за аерозагадување, ќе бидат наше секојдневие.
