Стартува изградбата на фабрика за електронски батерии за автомобили на белгиската компанија „Avesta Battery and Energy Engineering“ во Технолошко индустриската развојна зона во Кичево.Во првата фаза ќе бидат инвестирани 10 милиони евра, а ќе се реализираат најмалку од 120 до 200 вработувања.Се направи многу за да заживее овој проект кој помина и на владина седница,истакна премиерот Мицкоски кој присуствуваше на поставувањето на камен темелникот.Премиерот е убеден дека инвеститорот нема да застане тука и оти ќе следи продолжување на инвестицискиот циклус.
“Исто така и други инвестиции во периодот што следи ќе бидат објавувани. Знаете дека очекуваме оваа година до крајот да ја завршиме со рекорден број странски инвестиции, во вредност од повеќе од 1 милијарда евра, со што ќе бидеме најдобри по глава на жител на Балканот. И се враќаме повторно, но сигурно на мапата на инвеститорите иако досега би рекол 7 години бевме заборавени”-рече премиерот Христијан Мицкоски
Според проекциите, објектот треба да биде готов наредната година. Извршен директор на Авеста Скопје, најави извоз од 50 милони евра во првата година од инвестицијата,со надеж дека за само неколку години извозот ќе порасне на половина милијарда евра,а бројот на вработени ќе се зголеми на околу 600.
“Извозот во првата година согласно бизнис планот би бил околу 50 милиони евра, а во пикот на работењето на фабриката да достигне десеткратно зголемување за некаде 7 до 8 години”-рече Александар Голабоски,извршен директор на “Авеста” Скопје
Мицкоски уште еднаш потенцираше дека целта на Владата еда го подобри стандардот на граѓаните, да отвори нови работни места, а со тоа да ги задржиме младите во Македонија, да не ни се случува иселување како што беше пракса во минатото.
Росица Голабоска
