Федералниот апелациски суд во Вашингтон пресуди дека поранешниот американски претседател Доналд Трамп ги пречекорил своите претседателски овластувања со воведувањето на поголем дел од неговите царински тарифи, кои предизвикаа реакции ширум светот.
Оваа одлука се смета за најголем удар врз политиката на Трамп досега и најверојатно ќе значи дека Врховниот суд ќе мора да одлучува за законското право на претседателот да ја менува трговската политика на земјата.
Во пресудата, донесена со седум гласа „за“ и четири „против“, судот наведе дека американскиот закон „му дава значителни овластувања на претседателот да преземе голем број дејствија како одговор на прогласена национална вонредна состојба, но ниту едно од овие дејствија експлицитно не ја вклучува моќта за наметнување царини, давачки или слично, ниту пак моќта за оданочување“.
Судот соопшти дека пресудата нема да стапи на сила до 14 октомври.
Веднаш по објавувањето на одлуката, Трамп напиша на социјалните мрежи: „Сите царини сè уште се во сила!“. Тој го обвини Апелацискиот суд за политичка пристрасност и порача: „Царините се најдобрата алатка за да им помогнеме на нашите работници и да ги поддржиме компаниите што произведуваат производи направени во Америка“.
