Владата на ВМРО-ДПМНЕ подобро ги штити македонските национални интереси, но и поуспешно се справува со корупцијата отколку нивните претходници- покажува најновата анкета на платформата „ОМНИБУС“.
Според истражувањето, 46% од испитаниците се изјасниле дека Владата на ВМРО-ДПМНЕ е поуспешна во борбата против корупцијата. За СДСМ се изјасниле само 29% од прашаните граѓани.
На прашањето „Којa Влада подобро ги штити националните интереси?“, високи 57% мислат дека Владата предводена од ВМРО-ДПМНЕ многу подобро ги штити македонските национални интереси, додека само 21% од испитаниците одговориле дека СДСМ добро ги штитела интересите.
Во телефонската анкета има и прашање за евро интеграциите на Македонија. Дали би го поддржале влезот на земјава во ЕУ ако условот е промена на јазикот и историјата на Македонците преку прифаќање на барањата на Бугарија?
Граѓаните не поддржуваат членство во ЕУ ако тоа значи прифаќање на барањата на Бугарија.
На прашањето за поддршка за влез во ЕУ со услови од Бугарија како што се промена на јазик и историја, 64% од испитаниците рекле дека се против, а само 22% поддржуваат.
Во однос на животниот стандарт, граѓаните на Македонија се оптимисти дека во следните пет години ќе се подобри живеачката, 43% од граѓаните мислат дека ќе има подобар живот, 32% одговориле дека ќе остане исто, а 25% сметаат дека истиот ќе се влоши.
И во справувањето со економските проблеми, ВМРО ДПМЕ ја има поголемата доверба кај граѓаните.Според нив акутелната Влада изнаоѓа подобри и поефикасни мерки за економска стабилност.
Дека владата на ВМРО ДПМНЕ одлично се носи со економските проблеми сметаат 52% од испитаниците, за Владата на СДСМ се изјасниле 24%, а исто толку граѓани мислат дека ниту една од двете влади нема успех во справувањето со проблемите во економиата.
