Народната банка за наредната година очекува умерено забрзување на растот, кој што би се искачил на 3,3%, поттикнат од инвестицискиот циклус, вклучително и странските инвестиции.
Монетарната власт очекува забрзување на извозот со понатамошно зацврстување на светските услови, како и позитивен придонес на личната потрошувачка при раст на располагањиот доход и очекувања за солидно кредитирање на населението. Сепак, ризиците постојат и потребен е внимателен пристап, смета гувернерката Анита Ангеловска-Бежоска.
Трите основни фактори за економскиот раст според нејзе се продуктивноста, човечкиот и физичкиот капитал, јавните и приватните инвестиции.
