1,3 милијарди евра за проекти од областа на вештачката интелегенција, сајбер бездност и дигитални вештини. И македонските претприемачи можат да конкурираат за дел од средствата кои ги обезбеди Европската комисија, за вложување во дигитална трансформација, напредни технологии и општествен развој.
Повикот го објави министерот за дигитална трансформација, Андоновски, кој објасни дека ова е одлична можност за домашните фирми да добијат дел од овој пакет.
„Ориентацијата на Владата е да го поддржи, поттикне и мотивира приватниот сектор и академската заедница да вложува во иновации, технолошки развој, дигитална трансформација, напредни технологии и севкупен општествен развој“, изјави Стефан Андоновски, министерот за дигитална трансформација.
Повикот кој се однесува на дигиталните иновациски хабови, односно дигитални центри, е веќе отворен за пријавување од трети април, а крајниот рок е 14 мај. Целта на овој повик е засилување на европската мрежа на дигитални хабови на сите земји членки на Европската унија, обезбедувајќи целосна регионална покриеност.
„Иницијативата има за цел да ја подобри ефикасноста и капацитетот на едиховите, за задоволување на потребите од дигитална трансформација, со посебен фокус на развој и употреба на технологии и апликации за употреба на вештачката интелегенција“, изјави Стефан Андоновски, министерот за дигитална трансформација..
Избраните дигитални центри, ќе мора да обезбедат специјализирани услуги за дигитална трансформација за малите и средни претпријатија и јавни институции, вклучувајќи обезбедување обука и развој на вештини, поддршка за преквалификација и усовршување на работната сила во дигиталните технологии. Нивното финансирање половично ќе биде обезбедено од средствата од програмата за Дигитална Европа, додека останатите 50% ќе треба да ги обезбедат преку одржливи извори на кофинансирање.
