По тензична дебата и меѓусебни обвинувања, владата на САД и официјално е под блокада откако демократите одбија да го поддржат планот на републиканците за државното финансирање. Точка на сопнување беше законот за здравствена заштита, кој според мнозинството треба да се реши одделно. Илјадници вработени се испратени на неплатен одмор, а основните служби функционираат со минимален капацитет.
Транспортот е еден од најзасегнатите сектори. Федералната управа за воздухопловство ќе отпушти над 11 илјади вработени, додека контролорите на летање и голем дел од службите за безбедност на патиштата ќе продолжат со работата без парични надоместоци. Владините службеници кои се сметаат за несуштински, привремено се испратени на неплатен одмор.
