Амбасадорката на Народна Република Кина г-ѓа Џијанг Ксијаојан, денеска ја посети Општина Виница, при што оствари средба со градоначалникот, Митко Костадиновски и истовремено посети установи од образованието и културата.
На средбата најпрвин се разговараше за реализирани проекти поддржани од Кина кои имаат оставено значаен белег во Општината.
Во рамки на посетата, амбасадорката кратко престојуваше и во ООУ „Славчо Стојменски“, каде беше пречекана од учениците, наставниот кадар и стручната служба на училиштето.
На агендата беше и посетата на Музеј „Теракота“ – Виница, каде преку презентацијата на директорката Сара Даневска, амбасадорката Ксијаојан имаше можност поблиску да се запознае со богатото културно наследство на Виница, уникатните теракотни икони и значењето на археолошките откритија за историјата на Македонија.
По повод 20 Мај – Денот на пожарникарите, амбасадорката ја посети и ТППЕ Виница, оддавајќи признание за пожртвуваноста и посветеноста на пожарникарите во заштитата на граѓаните и нивните животи.
-Посетата беше заокружена со работен состанок во Развојниот центар „Прогресив Академија“, каде заедно со генералниот директор на „Макпрогрес“ Александар Цветанов, извршниот директор на „Макпрогрес“ Глигор Цветанов и директорката на Академијата Александра Кирилова, разговаравме за можностите за понатамошен развој, поддршка на младите и создавање нови перспективи за локалниот економски и образовен развој, се наведува во соопштението на Општина Виница, во кое е цитиран градоначалникот Костадиновски.
