Наместо да создавам, јас распродавам…вака пред камерата на Алфа ја раскажува својата животна приказна сточарот Бајрам Омер од штипското село Лaкавица. Овој дваесет и осумгодишен маж, заедно со својата сопруга кои се родители на три деца, се единствените во селото кои одгледуваат овци.
„Единствен сточар сум овде. Иако сум млад, ама и јас повеќе не можам. Ме болат рацете од молзење. Планирам оваа година да го намалам стадото. Лани имавме над 400, а сега сакам да го намалам на 250. Ќе видеме, а фармата ја направиввме 1200квадрати, за 1000овци да има . Никогаш нема да направам стадото да биде толку големо, за џабе правевме„ изјави сточарот Бајрам Омер .
Годишно семејството Омер произведува 15 до 17тони литри млеко и 7 до 9,5тони килограми месо, жива мера. Според него само трговците имат ќар, бидејќи во моментот јагнешкото во продавниците го достигна плафанот .
„ Спрема месарите, откупната цена на месото требаше да биде 450денари за килограм жива мера, штом во продавниците се продава по 800, а ние го продадовме максимум за 240 ден. Според ова во продавница би требало да биде околу 500денари да биде јагнето“ изјави Омер.
Омер е регистриран млад земјоделец, но освен редовните субвенции и поддржка за набавка на трактор нема добиено друга помош. Вели, државата треба да создаде услови за развивање и модернизирање на сточарството, во спротивно бројот на стада ќе продолжи да се намалува.
„Систем да има за молзење државата да ни помогне, оти тоа чини од 30.000до 40.000евра. Јас лани сакав да купам, ама не е исплатливо.Тие 40.000евра за да ги спечалам мора 5години да работам, само за машините ќе треба да работам, за системот за молзење„ изјави Омер.
Иако стадото го наследил од својот татко, единствено што ги советува децаta е да не бидат сточари како него. Ако продолжи вака, во план е да ги продаде сите овци и тој како и многу други со семејството да се исели во Германија.
Според податоците на Државниот завод за статистика вкупниот број на овци минатата година е 587.073 и во споредба со 2022 бележи пад од 9.2%
Александра Ристевска
