Во првиот квартал годинава вкупниот број превезени патници во патничкиот патен превоз изнесува 9.348.000 и е намален за 5 проценти во однос на првиот квартал од 2025 година.
Според податоците на Државниот завод за статистика, бројот на превезени патници во градскиот превоз е намален за 4,7 проценти, во приградскиот превоз за 8,8 проценти, а зголемување има во меѓуградскиот превоз за 9,2 проценти и во меѓународниот превоз за 1,3 процент.
Вкупниот број на патничките километри во првото тримесечје е 248.568.000 и е зголемен за 0,3 проценти во однос на истиот период од претходната година. Во градскиот превоз е намален за 1,8 процент, во приградскиот за 8 проценти, во меѓународниот за 0,4 проценти, а во меѓуградскиот превоз е зголемен за 7,7 проценти.
