Студентите во Србија ги повикаа граѓаните на голем протестен митинг во Белград под мотото „Ти и јас, Славија“, како дел од кампањата „Студентите победуваат“. Собирот е најавен на четири локации во Белград, а централниот протест на Славија треба да се одржи од 18 до 20 часот. Главното барање на студентите е распишување вонредни парламентарни избори и демократизација на земјата. Претседателот Александар Вучиќ неодамна изјави дека изборите би можеле да се одржат во периодот од крајот на септември до средината на ноември и ги повика студентите на дијалог. Студентското движење произлезе од антивладините протести по трагедијата во Нови Сад, кога при пад на бетонска настрешница на железничката станица загинаа 16 луѓе, претежно млади.
