Започна реконструкцијата на водоводната мрежа на улицата „11 Октомври“ во Куманово, на потегот од улицата „Гоце Делчев“ до улицата „4 Јули“, информираа денеска од Општина Куманово. За реализација на проектот се обезбедени 27,2 милиони денари. Од општината апелираат до граѓаните да бидат внимателни и трпеливи за време на изведувањето на градежните работи, поради изменетиот режим на сообраќај на оваа делница, особено што оваа улица е една од влезовите на градот.
Претходно, како што брифираа надлежните, започнаа и градежни активности за реконструкција на водоводната мрежа на друг дел од улицата „11 Октомври“, со цел подобрување на водоснабдувањето и инфраструктурните услови во градот.
