Во Собранието денеска ќе се одржи панел-дискусија на тема „Геополитичката димензија на проширувањето на ЕУ и импликации за Западен Балкан“, на која ќе присуствува и ќе се обрати поранешниот главен преговарач за пристапните преговори на Хрватска со Европската Унија и експерт на УНОПС, Владимир Дробњак.
Како што е најавено од собраниската прес-служба, Дробњак ќе се обрати на тема „Проширувањето на ЕУ во променлив геополитички контекст: што значи тоа за Западен Балкан“.
Предвидени се воведни обраќање на претседателот на Комисијата за европски прашања, Антонијо Милошоски, на Националниот совет за евроинтеграции на Собранието, Венко Филипче, на шефот на Делегацијата на Собранието на Македонија во Парламентарниот комитет за стабилизација и асоцијација, Иванка Василевска, на заменик-министерката за европски прашања, Викторија Трајков, на амбасадорот на Шведска во Македонија, Ола Солстром, на заменикот на амбасадорот на Швајцарија во Македонија, Михал Харари.
По воведните обраќања, предвидена дискусија со пратениците.
