Во Собранието денеска ќе заседаваат осум комисии – Комисијата за одбрана и безбедност, Комисијата за образование, наука и спорт, Комисијата за европски прашања, Комисијата за транспорт, дигитална трансформација, животна средина и просторно планирање, Комисијата за политички систем и односи меѓу заедниците, Комисијата за економски прашања, труд и енергетска политика, Комисијата за финансирање и буџет и Законодавно-правната комисија.
Пред членовите на Комисијата за одбрана и безбедност се Предлог на законот за изменување на Законот за внатрешни работи, Предлог на законот за изменување и дополнување на Законот за внатрешни работи и Предлог на законот за изменување и дополнување на Законот за полиција, сите по скратена постапка.
На Комисијата за образование, наука и спорт се Предлог на законот за изменување на Законот за ученичкиот стандард и Предлог на законот за изменување и дополнување на Законот за студентскиот стандард, и двата по скратена постапка.
На Комисијата за европски прашања е Предлог на законот за парничната постапка, во прво читање.
На дневен ред на Комисијата за транспорт, дигитална трансформација, животна средина и просторно планирање е Предлог на законот за изменување на Законот за основање на јавно претпријатие Македонска радиодифузија, по скратена постапка.
На Комисијата за политички систем и односи меѓу заедниците е Предлог на законот за изменување и дополнување на Законот за медијација, по скратена постапка.
Пред членовите на Комисијата за економски прашања, труд и енергетска политика е Предлог на закон за изменување и дополнување на Законот за финансиска поддршка на инвестиции, по скратена постапка.
На Комисијата за финансирање и буџет се Фискалната стратегија на Македонија за 2027-2031 година и Предлог на законот за задолжување на Република Северна Македонија со заем кај КфВ ИПЕКС-Банк ГмбХ (KfW IPEX-Bank GmbH), Банко Билбао Визкаја Аргентариа, С.А. (Banco Bilbao Vizcaya Argentaria, S.A.), Ерсте Гроуп Банк АГ (Erste Group Bank AG), АКА Аусфухкредит-Гезелшафт мбХ (AKA Ausfuhrkredit-Gesellschaft mbH) и Мерил Линцх Интернатионал (Merrill Lynch International) по Договор за заем за општи буџетски потреби, вклучително и за финансирање на капитални расходи и рефинансирање на обврски утврдени во Буџетот на Македонија, по скратена постапка.
Пред членовите на Законодавно-правната комисија се Предлог на законот за изменување на Законот за ученичкиот стандард, Предлог на законот за изменување и дополнување на Законот за студентскиот стандард, Предлог на законот за изменување на Законот за внатрешни работи, Предлог на законот за изменување и дополнување на Законот за внатрешни работи, Предлог на законот за изменување и дополнување на Законот за полиција, Предлог на законот за изменување и дополнување на Законот за финансиска поддршка на инвестиции, Предлог на законот за изменување на Законот за основање на јавно претпријатие Македонска радиодифузија, Предлог на законот за изменување и дополнување на Законот за медијација, Предлог на законот за задолжување на Македонија со заем кај КфВ ИПЕКС-Банк ГмбХ (KfW IPEX-Bank GmbH), Банко Билбао Визкаја Аргентариа, С.А. (Banco Bilbao Vizcaya Argentaria, S.A.), Ерсте Гроуп Банк АГ (Erste Group Bank AG), АКА Аусфухкредит-Гезелшафт мбХ (AKA Ausfuhrkredit-Gesellschaft mbH) и Мерил Линцх Интернатионал (Merrill Lynch International) по Договор за заем за општи буџетски потреби, вклучително и за финансирање на капитални расходи и рефинансирање на обврски утврдени во Буџетот на Македонија, сите по скратена постапка.
