Филипче како слеп за стап. И покрај тоа што две третини од македонскиот народ е против, тој упорно секојдневно врши притисок и бара Бугарите да влезат во Устав. Стана погласен и дури и од Софија. Многумина не можат да го разберат мотивот, зошто упорно оди против волјата на народот и ја води својата партија кон провалија. Според познавачите и повеќе од јасно е дека актуелниот шеф на Бихаќка одработува за своите претходници, а учи и оди по стапките на својот близок пријател Зоран Заев, во чие владеење беше променето името на државата, а беше потпишан и оној договор за добрососедство со Бугарија.
-Она што е во континуитет политика на СДСМ е дека она што ни е испорачано како барање од странство, во основа тие се спремни секогаш да го исполнат. Најчесто оправдувајќи го тоа дека во историски моменти се носат историски одлуки. Сите нивни одлуки се историски, видовме кај не однесоа нивните историски одлуки, до обезличување на нацијата и на државата. Вообичаено промените кои ни се случуваат и со името и со идентитетот извираат од внатре, иако се испорачани од надвор, изјави Јанкуловски.
Покрај тоа што е цврст дека мора да има уставни измени веднаш, Филипче има и скандалозни изјави, дека никаде не видел негирање на македонскиот идентитет од страна на Бугарија. Универзитетскиот професор Звонимир Јанкуловски за Алфа вели ставовите на Филипче наликуваат, како да гледа нешто што никој друг во државата не го гледа.
-Тоа е проблем на лидер на политичка партија, која сепак треба да се грижи за националните интереси. Она што сите Македонци го гледаат како проблем, тој не го доживува како проблем. Меѓутоа тоа е и карактеристика на партија на која претходниот лидер тврдеше дека не и личи патриотизмот. Можеби го чувствува пулсот на граѓаните, кој ние не го чувствуваме во моментов околу прашањето на односите со Бугарија и сето она што ние испорачано како услов за придвижување, односно за кревање на ветото, изјави Јанкуловски.
Инаку огромно мнозинство од македонските граѓани се против спроведување на уставните измени со моменталните услови. Во една од анкетите спроведена минатата година, дури 82 проценти кажаа дека се против внесување на Бугарите во Уставот, со моменталните уцени од официјална Софија.+
Матеја Петровски
