Тесна и неизвесна трка во Будимпешта. Во победа убедени и власта и опозцијата. Виктор Орбан тврди дека влегол во битка да победи, Петер Маѓар пак смета дека не можел да изгуби. Актуелниот премиер тврди дека Унгарија го има најдобриот изборен модел во Европа и дека волјата на народот мора де се почитува.
-Дојдов да победам. Унгарскиот изборен модел е најбезбеден во Европа. Одлуката на народот мора да се почитува, изјави Орбан.
Лидерот на опозициската Тиса Петер Маѓар, вели дека не постои сериозен човек што не е сигурен во победа на неговата партија.
-Никој сериозно не може да помисли дека нема да победиме, изјави Маѓар.
Инаку според изборниот модел во Унгарија, вкупниот број на пратеници е 199, 106 се избираат по принципот на релативно мнозинствно, 93 се избираат преку принципот на нациоанлни партиски листи. За формирање Влада потребни се 100 пратеници, 133 е магичната бројка која носи двотретинско мнозинство, кое е потребно за евентуални промени на Уставот.
Првичните бројки покажуваат двојно поголема излесност за разалика од пред четири години.
Матеја Петровски
