Во каменичкото село Тодоровци продолжува изградбата на фекална канализација. Проектот како што информира градоначалничката Соња Стаменкова, која изврши увид во работите, е со вкупна вредност од 4 милиони денари.
-Реализацијата на оваа активност е во деловите Ѓурѓина Ливада (430 м) и Ѓачко маало (664 м). Овој проект, со вкупна вредност од околу 4 милиони денари, претставува значаен чекор кон модернизирање на комуналната инфраструктура и обезбедување почисто и поздраво опкружување за жителите – истакна Стаменкова.
Со новата канализација, како што додаде, се овозможува подобра хигиена и функционални комунални услуги за сите граѓани и е дел од долгорочната политика на локалната самоуправа за инвестирање во развојот на заедниците.
-Со овој проект продолжуваме да вложуваме во современа и функционална инфраструктура за нашите граѓани, обезбедувајќи услови за подобар живот и почиста околина – подвлече Стаменкова.
Изградбата на канализацијата се очекува да заврши во наредните месеци, со што селото ќе добие современ систем којшто ќе го подобри секојдневниот живот на жителите.
