Со голема вера, радост и почит кон традицијата, денеска во Берово свечено беше одбележан еден од најголемите христијански празници – Богојавление – Водици. Во водите на реката Брегалница, пред многубројни верници и учесници, најсреќен беше Благој Дујовски, кој прв стигна до светиот крст – симбол на благослов, надеж и духовна сила.
-По повод празникот, Општина Берово го награди најсреќниот учесник со вредносен ваучер од 15.000 денари, а дополнителна награда обезбеди и општествено одговорната компанија ЗЕГИН, информираше градоначалникот Петар Ружински додавајки дека празничната атмосфера уште еднаш покажа дека беровчани со гордост ја негуваат вековната традиција, пренесувајќи ја од генерација на генерација.
Градоначалникот упати честитки до Благој Дујовски и до сите учесници кои храбро се вклучија во настанот.
-На сите граѓани на Берово им го честитаме големиот христијански празник Богојавление – Водици – ден на духовно прочистување и потсетник на крштевањето на Исус Христос во реката Јордан од Свети Јован Крстител, подвлече Ружински.
