Делегација од Општина Кочани, предводена од градоначалникот Владко Грозданов, присуствуваше на 32. Меѓународен фестивал на маскарадните игри „Сурва“, во Општина Перник, Бугарија. Фестивалот годинава одбележува 60 години од своето постоење и претставува еден од најголемите и најпрепознатливи културни настани од ваков вид во регионот.
Во рамки на фестивалската програма, градоначалникот Грозданов оствари средби со претставници на локални самоуправи и културни институции од различни држави. На средбите беа разменети мислења и идеи за унапредување на меѓународната соработка, размена на искуства и реализација на заеднички проекти во областа на културата и туризмот, информира локалната самоуправа.
– Фестивалот „Сурва“ е одличен пример како традицијата и културата можат да бидат мост за поврзување меѓу народите, за градење нови партнерства и пријателства кои во иднина можат да резултираат со конкретни соработки и проекти – цитиран е во соопштението од Општината, градоначалникот Влатко Грозданов.
