Со плачот на малата Петра, започна новата 2026 година во Штип. Родена точно на полноќ со царски рез, таа е првата рожба во семејството Петрови. И мајката и бебето, тешко 3.550 грама и долго 50 сантиметри, се во одлична здравствена состојба.
„Добро се чувствувам. Благодарна сум на целиот персонал„ изјави мајката Марија Јанкова Петрова.
Првото новогодишно бебе го посети и градоначалникот, кој порача дека секое новороденче носи надеж за подобра иднина и развој на градот и државата.
„На првиот ден од новата година ја посетивме малата Петра, еден симболичен чин кој се надевам дека ќе придонесе за уште поголем број на новородени дечиња, а со тоа да се развива нашиот град и нашата држава„ изјави градонаначалникот на Штип, Иван Јорданов.
Штипската Клиничка болница ја заврши 2025 со повеќе раѓања, подобрени услови и зајакнат медицински кадар. Бројот на новороденчиња е за 62 поголем во однос на претходната година, а по раѓањето на малата Петра, се очекуваат уште две породувања.
„Во споредба со 2024 , 2025 ја завршивме со 62 новородени дечиња повеќе. Во годината што измина имавме 477новороденчиња. Ноќеска се роди Петра, а ссега во наредните неколку часа очекуваме уште две попродувања„ изјави д-р Станка Јаневска- Велкова, началник на Одделеот за акушерство и гинекологија, при КБ-Штип.
Во новогодишната ноќ во штипската Клиничка болница, биле примени полнолетни пациенти поради алкохолна интоксикација. Исто така, имало и физички напад, со учество на малолетници малолетници. За среќа не биле регистрирани сообраќајни несреќи.
„На интернистичкиот оддел имавме случаи со лесна интоксикација, имаше физички напади повеќе од очекуваното, како и повреди или трауми од алкохолизирана состојба„ изјави д-р Влатко Захариев, директор на КБ-Штип.
За среќа, во текот на ноќта во штипската Болница, нема пријавено ниту една сообраќајна несреќа.
