Само со отворање работни места за лектори во јавните институции и со доделување стипендии за студентите може да се поттикне интересот кај младите за изучување на македонскиот јазик – предупредуваат универзитетските професори. Академската заедница алармира дека сè помалку млади се запишуваат на студиите по македонски јазик, главно поради недостигот на можности за вработување по дипломирањето.
Иако интересот во земјава опаѓа, македонскиот јазик буди внимание надвор од границите. Лингвистот проф. Маќеј Кавка од Универзитетот во Краков, Полска, вели дека неговите студенти со ентузијазам го учат и зборуваат македонскиот.
Македонистите велат дека македонскиот јазик е институционално заштитен, но неговата вистинска сила зависи од свеста и совеста на секој поединец.
Институтот за македонски јазик кој е основан пред 72 години има за цел изучување, развивање, негување и унапредување на унапредува македонскиот јазик како клучен дел од културното и националното наследство на Македонија. Деновиве е домаќин на десеттаМеѓународна научна конференција која обедини над 80 македонисти од Балканот, Европа и Америка.
Давид Крстевски
