СДСМ е во целосен распад по дебаклот на локалните избори, а кадровските промени кои ги најавува Филипче пропаѓаат уште пред да почнат. Никој не сака да биде дел од неговата губитничка, арогантна и компромитирана клика, се наведува во соопштението од ВМРО-ДПМНЕ.
Никој повеќе не сака да се идентификува со политиките на кланот Заеви и Филипче, кои СДСМ од државотворна партија, ја претворија во симбол на порази, поделби, лични интереси и предавства.
Филипче под менторство на Заев, ја уништи довербата кај граѓаните и симпатизерите на СДСМ, а партијата ја сведе на 120 илјади гласа, што е огромен политички неуспех на раководство во СДСМ.
Филипче ја турка СДСМ во лидерска криза. Филипче ниту кај поранешни функционери и симпатизери на СДСМ, не е перципиран како лидер и не ужива доверба. Дел од овие луѓе со кои Филипче се има видено изминатиов период, не сакале да бидат дел од раководството на СДСМ.
Дури и најгласните поддржувачи и некогашни функционери во СДСМ денес одбиваат да бидат дел од СДСМ. Никој повеќе не сака да стои зад Филипче, кој со својата неспособност и лукративни цели на кланот Заеви ја закопа партијата на дното.
СДСМ се соочува со лидерска криза кој ја блокира реформата во партијата. Единствениот чекор, кој може да ја спаси СДСМ од целосен распад, е итна оставка на Филипче и започнување на вистински внатрешни реформи.
