Претседателот на САД, Доналд Трамп, присуствуваше на потпишувањето на проширениот договор за прекин на огнот меѓу Тајланд и Камбоџа, во Куала Лумпур.
Во главниот град на Малезија беше потпишан историски договор од страна на Бангкок и Пном Пен, со посредство на американскиот претседател Доналд Трамп. Договорот вклучува прекин на огнот. Посетата Трамп ја искористи и за да потпише неколку трговски договори со двете земји.
Инаку, Трамп првпат интервенираше во јули за да го прекине петдневниот граничен конфликт меѓу двете земји, а мировниот договор беше потпишан кратко откако Трамп пристигна на самитот на Асоцијацијата на земјите од Југоисточна Азија (АСЕАН) во Куала Лумпур, објави „Ројтерс“.
Собирот во главниот град на Малезија следи по примирјето постигнато пред три месеци, кога Трамп ги повика тогашните лидери на двете земји да престанат со непријателствата или ризикуваат привремено да ги прекинат трговските разговори со Вашингтон, предупреди тој.
