Средношколците од цела Македонија имаат можност да станат милионери со своја бизнис идеја. Натпреварот „Средношколец милионер“, кој го организира „Бреинстер Некст“ колеџот и НУ Академиите, нуди главна награда од еден милион денари за најдобриот млад претприемач. Пријавувањето трае уште една недела — до 26 октомври.
Натпреварот „Средношколец милионер“ е отворен за сите ученици од прва до четврта година, без разлика дали учат во државно или приватно средно училиште.
Учениците можат да се пријават индивидуално или во тим до шест члена на веб-страницата milioner.mk.
Организаторите нагласуваат дека добитникот на милион денари нема обврска парите да ги инвестира во идејата со која победил, ниту пак „Бреинстер“ ќе бара удел во идниот бизнис.
Главната цел е младите да научат, да создаваат и да ја видат Македонија како место каде се раѓаат успешни приказни.
Пријавувањето е отворено до 26 октомври на www.milioner.mk.
