Државната изборна комисија разгледуваше приговори за лично избирачко право и од болни и немоќни лица на кои не им било прифатено барањето за гласање во домашни услови. На седницата беа прифатени неколку од овие приговори, а членовите на ДИК нагласија дека на лицата на кои им се прифатени приговорите, бидејќи ги нема во избирачкиот список, кој веќе е заклучен, и во апаратите за биометриска идентификација, кога ќе одат на гласање треба да го носат решението што ќе им биде издадено од ДИК.
Инаку, за околу 9.000 лица, болни и немоќни, беа поднесени барања за гласање во домашни услови, а претседателот на ДИК, Борис Кандарко, истакна дека вакви приговори веќе нема да разгледуваат бидејќи рокот за нивно поднесување заврши синоќа на полноќ. Комисијата досега акредитираше 1.340 набљудувачи, од кои 699 домашни, 639 меѓународни набљудувачи и двајца странски новинари.
