До општинските изборни комисии, во општините Дебар и Центар Жупа, барање да го остварат своето право на глас, на 18 октомври, ден пред изборите, доставиле 95 болни и изнемоштени лица а прифатени им се барањата на 93 од нив.
– Барање, да гласаат во своите домови, имаа доставено 83 болни и изнемоштени лице, но, по разгледувањето, три од нив не беа прифатени поради некоплетна документација, што ќе рече дека ден пред неделниот изборен ден треба да гласаат 80 болни и изнемоштени лица. Во нашата општина на 19 октомври ќе се гласа на 27 избирачки места, а правото на глас треба да го остварат над 19.762 граѓани, рече Рилинд Хаса, претседател на ОИК.
Според претседателот на ОИК, Неџип Илјаз, во општина Центар Жупа доставени се 12 барања и сите се прифатени.
– Во нашата општина во сабота (18 октомври) правото на глас треба да го остварат 12 болни и изнемоштени лица, колку што и се пријавија. Во единствениот избирачки список се запишани се 7.551 лице со право на глас. Ќе се гласа на 16 избирачки места, идентично како и на изминатите изборни циклуси, рече Илјаз.
Првите луѓе на ОИК информираа дека во Дебар завршена е обуката за членовите на избирачките одбори, додека во Центар Жупа таа завршува во текот на утрешниот ден. Двете општини припаѓаат на Изборна единица број пет.
