Време е Прилеп да добие нов лик, функционален, уреден, достоинствен. Ќе изработиме сообраќајна студија која конечно ќе го реши хаосот, во сообраќајот, со јасен план за движење, паркирање и безбедност, се вели во соопштението од ВМРО-ДПМНЕ од изјавата на нивниот кандидат за градоначалник на општина Прилеп, Дејан Проданоски.
Плоштадот Методија Андонов Ченто пред хотел Скопје, ќе добие нов изглед, уреден, зелен и пријатен простор за дружење и настани.
Го обновуваме срцето на градот, реконструкција на инфраструктурата во старата чаршија, и зачувување на нејзиниот дух, како културно наследство.
На повеќе локации во градот поставуваме јавни тоалети, основна потреба за културен и современ урбан простор.
Секој чекор е дел од големата слика, град со ред, убавина и достапност за сите.
Прилеп добива нов лик, модерден, чист и уреден но со душата на старата чаршија, што никогаш не згаснува.
