Со задоволство најавувам дека за прв пат нашата општина ќе обезбеди надоместок за новороденче во висина од 3.000 денари, се вели во соопштението од ВМРО-ДПМНЕ од објавата на Фејсбук на нивниот кандидат за градоначалник на Општина Бутел, Дарко Костовски.
Оваа поддршка е дел од нашата заложба за подобрување на условите за младите семејства во општина Бутел. Ние не застануваме – инвестираме во инфраструктурата која ќе ја подобри иднината на секое дете.
Изградивме две градинки во Бутел 1 и Бутел 2, а во наредниот период ќе изградиме уште три нови градинки во Радишани, Визбегово и Бутел 1. Нашата визија е јасна, создаваме услови за развој и иднина за секое семејство!
