Членовите на Стоматолошката комора кои се соочуваа со притисоци и противзаконски санкции од страна на раководството на комората ја добија пресудата од Управен суд. Со неа практично се докажува дека актуелниот прв човек на ова тело Маријан Денковски, не е легитимен претседател на СКМ. Стоматолозите го обвинуваат дека наместо тој да ги штити интересите на докторите, врши нелегален прогон на неистомисленици и на лекари кои ќе укажат на незаконско работење. Меѓудругото го повикаа Денковски да престане да ги злоупотребува ресурсите на комората.
Стоматололзите ги охрабрија надлежните да продолжат и натаму да ја држат контролата над Стоматолошката комора. Затоа што, како што велат тие, Денковски прави малверазции и со вработените и со приходите на Комората.
Изминатите месеци во Стоматолошката комора имаше длабоки превривања помеѓу дел од членовите и претседателот Маријан Денковски, па Министерството за здравство ги одзема ингеренциите на Комората за издавање лиценци на стоматолозите. Оваа одлука на министерот Азир Алиу дојде откако извршените надзори над Комората укажале на бројни пропусти – едукации преку нерегистрирани здруженија и сертификати кои неправилно се користеле за продолжување на лиценците, договори кои биле склучувани ретроактивно, спротивно на закон, носење одлуки и документи со невалидна документација, како и игнорирање на одлуката на Уставниот суд.
Финансиската полиција направи увид во Стоматолошката комора, а од Министерството за здравство најавија дека сите документи ќе бидат предадени на Обвинителство.
