Во време кога се кршат копјата околу апликации, алгоритми и економска доминација, американскиот претседател Доналд Трамп одбил да ја потпише одобрената воена помош од над 400 милиони долари за Тајван, јавува „Вашингтон Пост“, повикувајќи се на извори од американската администрација.
Шефот на САД ја стопирал испораката на беспилотни летала и муниција додека се обидува да постигне трговски договор и лична средба со кинескиот лидер Си Џинпинг. Овој потег се смета за прв јасен сигнал дека Трамп ја менува американската позиција кон Тајван, остров кој Кина го смета за своја територија.
Телефонски разговор меѓу Трамп и Си Џинпинг е закажан за 19 септември, по тримесечна пауза во комуникацијата. На маса ќе бидат прашања околу апликацијата Тик-Ток и клучни трговски теми.
