Недостатокот на клучни лекови во Европската Унија веројатно ќе продолжи и во иднина, покажува најновиот извештај на Европскиот суд на ревизори. И покрај контрамерките, останува ризикот дека некои лекови, вклучително и вообичаените антибиотици, повремено ќе бидат недостапни. Во извештајот се наведува дека од јануари 2022 година до октомври 2024 година, во земјите членки на Унијата имало критичен недостаток од 136 лекови. Од Европскиот суд на ревизори предупредија дека Европската Унија е целосно зависна од Азија за вообичаени лекови против болки како што се парацетамол и ибупрофен. Една од главните причини за недостатокот на лекови се слабите синџири на снабдување. Покрај тоа, внатрешниот пазар на лекови во Европа е фрагментиран, а слободната трговија ограничена.
