Над 1.000 луѓе загинаа во лизгање на земјиште што го срамни селото Тарасин во планините Мара, во Дарфур. Би-Би-Си пренесува дека преживеал само еден човек. Лизгањето на земјиште доаѓа по неколкудневни обилни дождови.
„Суданското ослободително движење“, кое ја контролира областа, апелира до Обединетите нации и до меѓународните организации за помош во пронаоѓањето и откопувањето на телата. Но, пристапот е крајно ограничен поради тековните борби кои се водат во регионот.
Планината Мара е вулкански венец, висок над 3.000 метри. Тоа е едно од ретките скривалишта на цивили во бегство поради граѓанската војна во Судан, што избујна во април 2023 година. Конфликтот доведе до тешка хуманитарна криза. Стотици илјади луѓе загинаа, милиони се раселени, а делови од Дарфур се на работ на глад.
