Аргентинскиот претседател Хавиер Милеј се соочува со нов корупциски скандал. Наводно, неговата сестра и една од највлијателните личности во неговата администрација земала три проценти од секој склучен договор.
Имено, локалните медиуми објавија аудиоснимки од наводната шема за поткуп која била организирана преку фармацевтска компанија што барала процент за да добие владини договори.
Според извештаите, генерирала помеѓу 500 и 800 илјади долари мито месечно, при што три проценти наводно отишле кај сестрата на претседателот, која е генерален секретар на претседателството. Позицијата ѝ беше доделена откако со декрет беше укината забраната роднините да бидат вработени во државните институции на Аргентина.
