Припадниците на Националната гарда, распоредени во Вашингтон, по наредба на американскиот претседател Доналд Трамп, од синоќа се вооружени.
Гардистите имаат дозвола да користат сила, исклучиво како последно средство и само во случаи на непосредна закана по животот. Оваа мерка следи откако Трамп изјави дека ќе се справи со зголемената стапка на криминал во Вашингтон.
Во моментов, во Вашингтон се распоредени повеќе од 1.900 припадници на Националната гарда, составени не само од локалните сили, туку и од неколку сојузни држави. Тие патролираат на стратешки локации – околу Белата куќа, Конгресот, споменикот на Линколн, како и на железничките и метро-станиците. На прес-конференција пред три дена, Трамп изјави дека ќе ги направи американските градови „многу безбедни“.
Тој најави дека вакви мерки би можеле да бидат преземени и во други градови, како Чикаго, Њујорк и Балтимор, за кои тврди дека се соочуваат со слични безбедносни проблеми.
