Расте просечната плата во Македонија. За една година пораст од речиси 3000 денари. Според податоците кои ги објави Државниот завод за статистика, просечната нето плата за месец јуни е зголемена за над 8 отсто за истиот период лани. Оваа година изнесува речиси 45 500 денари, што е значително зголемување во споредба со лани кога изнесувала 42 000 денари.
„ Зголемувањето се должи, пред сѐ, на порастот на просечната месечна исплатена нето-плата по вработен во секторите: Образование за 14.7 проценти, Дејности на здравствена и социјална заштита за 12.7 проценти и Рударство и вадење камен за 12.2 проценти“, соопштија од државниот завод за статистика.
Намалување на просечната месечна исплатена нето-плата по вработен, во однос на претходниот месец, е забележано во секторите: Финансиски дејности и дејности на осигурување за 7.5 проценти, Трговија на големо и трговија на мало; поправка на моторни возила и мотоцикли за 4.3 проценти и Транспорт и складирање за 2.1 процент
Ставот на Владата е дека платите постојано треба да растат и дека се работи токму на тоа.
Инаку во јуни пред 10 години просечната плата била22 илјади денари, што покажува дека за една деценија просекот пораснал повеќе од двојно.
Статистика објави дека во јуни просечната месечна исплатена бруто-плата изнесува 68 340 денари
