🎥 Македонската царина руши рекорди – за еден месец собрани над 12,6 милијарди денари

Рекордна приходи од Царинската управа.  Во јули биленаплатени над 200 милиони евра што е за 5,4% односно над 10 милиони евра повеќе во однос на истиот месец лани, кој беше со историски најдобар резултат.

Ова се повеќе пари во буџетот, односно повеќе средства кои ќе се вложат во инвестиции за подобар живот на граѓаните, вели премиерот. Според Мицкоски ова е успех кој што не е забележан до сега, а Владата посветено работи на намалување на сивата економија и зголемена дисциплина во финансиските институции. Тој соопшти дека има позитива и во работењето во УЈП.

Зголемената наплата во Царината се должи на порастот на увозот на машини, делови од електрични машини и опрема, како и на моторни возила. Но исто така и унапреденото управување со процедурите, зголемена контрола и координација со другите институции.

Директорот вели дека станува збор и за посветена работа, а продолжуваат со силната борба со корупцијата. Ситуацијата која ја затекнала новото раководство била катастрофална по однос на ова прашање. Во изминатата година околу 26 царински службеници добиле отказ.

Надлежните тврдат дека успеале да воспостават нов систем на вредности во Царинската управа кој не бара изговори, туку решенија и резултати. Корупцијата повеќе нема да се толерира.