Изгаснат е пожарот кај штипското село Таринци

Изгаснат е пожарот што попладнето беснееше во атарот на штипското село Таринци. Од огнот е спасена свињарска фарма која се наоѓа во близина на местото каде што се запали сува трева.

На терен биле шест пожарникари со две противпожарни возила, изјави за „Алфа“ командирот на штипската противпожарна служба, Благој Ренџов. Пожарот избувнал околу 16:30 часот и за брзо време бил изгаснат, но пожарникарите вечерва ќе останат на терен.