30 милиони евра и нови 300 вработувања ќе отвори инвестицијата од американски Гентерм. Производителот од автомобилската индустрија, кој со успех работи во ТИРЗ Прилеп очигледно дека е задоволен од бизнис климата во државава, па го проширува производството. Станува збор за глобален лидер за високоинтегрирани системи во автомобилската индустрија, кој работи со нова технолошка опрема, автоматизирани линии и современо производство. Според премиерот Мицкоски ова е доказ дека Македонија станува се поатрактивна локација за бизнис
“Денеска испишуваме уште една важна страница во современата економска приказна на државата. Ја објавувам новата инвестиција на Гентерм – глобален лидер во автомобилската индустрија кој покрај веќе постоеката инвестиција во Прилеп, почнува со план за процес на проширување на производството токму овде.” – изјави Мицкоски.
Потврда за добрите економски политики се и бројките. Забележан е раст на индустриското производство, а во мај е постигнато ниво од 9,4 %. Минатата година се забележа раст странските инвестиции од 1 милијарда и 255 милиони евра, а најдобар беше последниот квартал. Според надлежните со новата инвестиција Гентерм ќе ќе го зголеми извозот од Македонија, што ќе влијае позитивно на економијата
Планот на Владата е да продолжи политиката на привлекување инвестиции, како една од клучните за долгорочен забрзан раст на економијата. Паралелно, фокусот е ставен и на поддршката на домашното стопанство кое почна да покажува подобрени резултати што се отслика во последните статистички податоци.
Инаку во првиот квартал од годинава економијата порасна за 3.2%, што ја рангираше Македонија меѓу четирите најдобри во Европа. Трендот се очекува да продолжи. Проекциите во ребалансот се дека до крајот на годинава растот треба да достигне 3.7 отсто.
