Над 82 километри реконструирани и нови патишта низ целата држава. Министерството за транспорт во првата година од мандатот ги заврши делниците за кои со децении граѓаните чекаа да бидат изградени.
Последна беше пуштена во употреба најсложената делница од патот Градско – Фариш, онаа низ клисурата долга над 10 километри. За да се заврши автопатот во вредност од близу 45 милиони евра, како што кажа министерот Николоски била поместена планина
Ова е втората делница, првата беше пуштена во должина од 16,5 километри беше пуштена во јануари. Со ова патувањето за Прилеп и Битола се крати и за половина час а драстично се подобрува и безбедноста.
Најавата е дека до крајот на 2027 година ќе има автопат и од Прилеп до Битола.
Експресен пат сега има и меѓу Страцин и Крива Паланка, долг речиси 26 километри.
Исто така беше пуштен во употреба рехабилитираниот Панов мост – Богданци, дел од регионалниот пат кој ги поврзува Гевгелија и Богданци.
Минатиот месец после цели четири децении конечно се рехабилитираше магистралниот пат Охрид – Свети Наум во должина од 24,3 километри. Овој патен правец е од исклучителна важност бидејќи претставува патна врска со Албанија, и е од особена важност за развојот на туризмот.
Она што е од особена значајност за граѓаните на овој дел на државата е дека се интензивираат работите на автопатот Охрид – Кичево, а се очекува првите 40 км после години чекање да бидат пуштени во употребла следниот месец.
Покрај овие пуштени се во употреба и неколку помали рехабилитации кои се од огромно значење за граѓаните, како делницата Подмоље – Охрид која е пред влез на најголемиот туристички центар во државава и претставуваше сериозен проблем за граѓаните.
За споредба, претходната влада која критикува дека моментално владата се фалела со нивни проекти за седум години владење не доврши ни еден значаен проект и покрај рекордното задолжување …. Мандатот го почнаа со оро и чочек во тунел со зурли и тапани го прославија отворањето на делницата Демир Капија – Смоквица , пат направен од нивните претходници.
